ដោយ៖ វង្ស សុម៉ាលីន ថ្ងៃចន្ទ ទី9 កុម្ភៈ 2015 http://vodhotnews.com មើលរូបភាពបន្ថែម អ្នកនាង វ៉េត រតនា ពេលថតចម្រៀងខារ៉ាអូខេនៅផលិតកម្មរៃមាស កាលពីដើមខែកុម្ភៈនេះ (រូបភាព៖ វង្ស សុម៉ាលីន) ក្នុងបទសម្ភាសន៍តាមទូរសព្ទជាមួយVOD អ្នកនាង វ៉េត រតនា បង្ហើបប្រាប់ថា ការបង្ហាញមុខច្រៀងរាំ ក្នុងដំណើរចុះមកលេងស្រុកលើកនេះ មិនមែនជាគោលដៅនៃការចង់បានតែមួយមុខនោះទេ ។ អ្វីដែលសំខាន់ គឺអ្នកនាង និងស្វាមី នៅមានកិច្ចការធំ៣ផ្សេងទៀតដែលត្រូវបំពេញ ទើបសម្រេចចិត្តបីកូនទាំង២ចុះមក ។ តារាល្បីល្បាញរូបនេះបានមកដល់ប្រទេសកម្ពុជាកាលពីថ្ងៃទី១០ ខែមករា ដោយបានបង្ហាញមុខទទួលសម្ដែងនៅផលិតកម្មរៃមាសកាលពីដើមខែកុម្ភៈនោះផង ។ អ្វីដែលគួរឲ្យភ្ញាក់ផ្អើល គឺអ្នកនាងអត់ច្បាស់ថាត្រូវត្រឡប់ទៅវិញពេលណានោះទេ ដរាបកិច្ចការធំ៤ ដែលបានដាក់ចេញ មិនបានរួចរាល់១០០ភាគរយ ។ គម្រោងទាំងនោះរួមមាន ការសម្ដែងកុនឲ្យចប់មួយរឿង គម្រោងត្រួតពិនិត្យមុខជំនួញ គម្រោងដោះស្រាយបញ្ហាដីធ្លី និងគម្រោងសប្បុរសធម៌មួយនៅលើទឹកដីខេត្តព្រៃវែង។ អ្នកនាងនិយាយថា «ខ្ញុំមកលើកនេះជាលើកទី៣ ដោយខ្ញុំបានកុងត្រាថតរឿងឲ្យផលិតកម្មមួយ ដែលតាមការប៉ាន់ស្មានយ៉ាងហោចក៏២ខែកន្លះទៀតដែរ ទើបចប់បានទៅវិញ» ។ ខ្សែរឿងដែលអ្នកនាងបានទទួលសម្ដែងនោះ មិនត្រូវបានបង្ហើបពីចំណងជើងនោះទេ […]
↧