ភ្នំពេញៈ ទន្ទឹមនឹងព្យុះភ្លៀងរឿងស្នេហាក្រៅឆាកមិនចេះចប់មិនចេះហើយ ជាមួយដៃគូកំប្លែងដ៏ស័ក្កិសម នាយ ពែកមី តារាកំប្លែងលេចធ្លោក្នុងក្រុមនោះ អ្នកកំប្លែងមាត់ឆៅសម្ដីឆើតមេម៉ាយកូនមួយនាង ស្រេង សុកាន់ដា ហៅ ខ្ញុង បានអះអាងយ៉ាងដាច់ណាត់ថា បេះដូងនាងមិនជំពាក់ស្នេហាជាមួយតារាកំប្លែងក្នុងក្រុមទេ ដាច់ខាត់មិនជំពាក់ស្នេហ៍បែបនេះឡើយ។ ជាមួយពាក្យសម្ដីម៉ាត់ៗនាង ខ្ញុង បានបញ្ជាក់ថា៖«បេះដូងខ្ញុំកំពុងពិចារណាសំណើស្នេហ៍ពីតា អាណិកជនម្នាក់រស់នៅឯប្រទេសអូស្រ្តាលីឯណោះទេ»។
↧